Париж клуби ярим ҳимоячи Адриен Рабьони ўз сафига қайтариш ҳақида ўйламоқда.
27 ёшли ярим ҳимоячи “Ювентус”да муваффақиятли мавсумни ўтказмоқда ва Қатардаги жаҳон чемпионатида Франция терма жамоаси таркибида муҳим рол ўйнамоқда.
Аввалроқ, Рабьо туринликлар клуби билан янги шартнома имзоламоқчи эмаслиги ва келаси ёзда эркин агент сифатида кетишни режалаштираётгани ҳақида хабар берилганди. Le10Sport хабарига кўра, агар футболчи январ ойида трансферга қўйилган бўлса, "ПСЖ" уни ўз сафига қўшиб олиши мумкин.
Адриен Рабьо айнан Париж клубида ўзининг профессионал фаолиятини бошлаган.
