"Реал" ярим ҳимоячиси Лука Модрич испан клубидаги келажаги ҳақида гапириб берди.
Эслатиб ўтамиз, хорватияликнинг шартномаси 2023 йилнинг ёзига қадар мўлжалланган.
"Айни дамда мен жаҳон чемпионатидаман ва бор эътиборимни Хорватия терма жамоасига қаратганман. "Реал"га келсак, ҳамма нарса ҳақида гапиришга ҳали етарлича вақт бор.
Шахсан мен фаолиятимни “Реал”да якунламоқчиман, бу ҳақда кўп марта айтганман”, деди у.
Жорий мавсумда фахрий футболчи барча мусобақаларда 18 та ўйинда майдонга тушиб, 5 та гол урди ва 2 та голли узатмани амалга оширди.
