Аввалроқ матбуотда Криштиану Роналдунинг «Ан-Наср»га ўтиши мумкинлиги ҳақида маълумотлар пайдо бўлган эди.
Саудия Арабистони клуби португалиялик юлдузга йилига 200 миллион евролик ақл бовар қилмас маош билан шартнома таклиф қилмоқда. Бу ҳақда «Ан-Наср» бош мураббийи Руди Гарсия ўз фикрларини билдириб ўтди.
«Агар сиз мендан Криштиану Роналду ҳақида сўрамоқчи бўлсангиз, дарҳол жавоб беришим мумкин. Сиз мени биласиз, ёлғон гапирмайман. Келинг, кутамиз. Чемпионат бошланиш арафасида турибди, воқеалар ривожини кузатамиз» - деди Гарсия.
Эслатиб ўтамиз, яқинда Криштиану Роналду «Манчестер Юнайтед» билан шартномаси бекор қилинганидан кейин эркин агентга айланганди.