Айни дамда Лондоннинг “Тоттенхэм” клуби бош мураббийи ҳисобланган италиялик мутахассис Антонио Конте фаолиятини Испания чемпионатида давом эттириши мумкин.

Todofichajes'нинг ёзишича, мураббий хизматларига ҳозирда аргентиналик Диего Симеоне бошчилик қилаётган Мадриднинг “Атлетико” клуби қизиқиш билдирмоқда. "Матрасчилар"нинг спорт директори Андреа Берта шахсан Конте билан боғланиб, дастлабки музокаралар олиб борди.

Антонио 2021 йилнинг ноябридан бошлаб "Тоттенхэм" бош мураббийи лавозимида ишлаб келяпти. Унинг "шпорлар" билан шартномаси 2023 йилнинг ўрталарига қадар мўлжалланган.