Қозоғистонда таниқли россиялик мураббий саналган, якунига етган мавсумда "Андижон" жамоасини Суперлигага қайтарган Виктор Кумиков Қизилўрданинг “Кайсар” клуби бош мураббийи этиб тайинланди. Бу ҳақда қозоғистонликлар расмий сайти хабар тарқатмоқда.
"Мураббийлар штабида Қизилўрдалик футболчи Қанат Алиев ҳам бўлади”, — дейилади манбада.
Эслатиб ўтамиз, Кумиков бунгача 2003-2004 йилларда Қизилўрда клубида ишлаган. Қолаверса, россиялик мутахассис Қозоғистоннинг “Есил”, “Елимай”, “Шахтёр”, “Ордабаси”, “Атирау” каби жамоаларига ҳам мураббийлик қилган. 2013 йилда Кумиков Қарағанданинг "Шахтёр" клубини Европа лигаси гуруҳ босқичига олиб чиқди, бу Қозоғистон клубининг ушбу турнирнинг гуруҳ босқичида илк бор чиқиши эди.
