Хорватия терма жамоаси сардори Лука Модрич ЖЧ-2022 ярим финалида Аргентинага йирик ҳисобда мағлуб бўлганидан кейин ҳакамоарни танқид қилди.
"Одатда мен ҳакамлар ҳақида гапирмайман, лекин бугун жим туришнинг иложи йўқ. Орсато мен билган энг ёмон ҳакамлардан бири. Мен фақат бугунги кун ҳақида гапирмаяпман. Биз у билан олдин учрашганмиз, лекин менда Орсато билан боғлиқ бирорта ҳам ижобий хотира йўқ. У ҳақиқий фалокат" - деди Модрич ўйиндан сўнг TyC Sports билан суҳбатда.
Эслатиб ўтамиз, Аргентина жаҳон чемпионати финалида Франция-Марокаш жуфтлиги ғолиби билан ўйнайди. Жаҳон чемпионатининг иккинчи финалчиси бугун тунда маълум бўлади.
