Мюнхеннинг "Бавария" клуби спорт директори Ҳасан Салихамиджичнинг таъкидлашича, клуб оёғи синганлиги сабабли бу мавсумда Юлиан Нагелсманн жамоасига бошқа ёрдам бермайдиган дарвозабон Мануэл Нойерга ўринбосар топишга шошилиш ниятида эмас.

"Ўринбосар излаш вақти келганида, биз қарор қабул қилишга шошилмаймиз. Биз хотиржамлик билан ҳаракат қиламиз ва ижобий, салбий томонларини ўлчаб кўрамиз", - дея Салихамиджичдан иқтибос келтиради Bild.

Аввалроқ, Нойернинг ўрнини босадиган вариантлардан бири Хорватия терма жамоаси дарвозабони Доминик Ливакович эканлиги ҳақида хабарлар тарқалган эди.