"Монако" раҳбарияти "Бавария" дарвозабони Александр Нюбелнинг ижарасини муддатидан олдин бекор қилишга тайёр бўлган сумма маълум бўлди.
Николо Скиранинг сўзларига кўра, французлар Нюбелни 2 миллион евро эвазига қўйиб юборишга тайёр. Акс ҳолда у мавсум охиригача жамоада қолади.
Немис клуби 26 ёшли футболчини Мануэль Нойер жароҳатидан сўнг қайтаришни истамоқда, бироқ ижара шартномасида унинг мавсум давомида товон тўламасдан жамоадан кетиши кўзда тутилмаган.