Мадриднинг “Реал” клуби ярим ҳимоячиси Тони Крооснинг фикрича, жаҳон чемпионати ярим финали доирасидаги ўйинда бош ҳакам Даниэле Орсато Хорватия дарвозасига ҳаққоний пенальти белгилаган.
"Менимча, ҳакам Хорватия терма жамоасига пенальтини тўғри белгилади. Бу нотўғри қарор бўлди деб ўйламайман", - деди Кроос Real Total билан суҳбатда.
Эслатиб ўтамиз, ўйиндан сўнг Хорватия терма жамоасининг баъзи футболчилари, жумладан сардори Лука Модрич ҳам ҳакамни пенальти белгилагани учун танқид қилганди. Уларнинг фикрича, ушбу эпизод олдидан Орсато хорватлар фойдасига бурчак тўпини белгилаши керак эди.
Аргентина терма жамоаси 13 декабрь куни Хорватияни 3:0 ҳисобида мағлуб этиб, жаҳон чемпионати финалига чиқди.
