“Навбаҳор”нинг якунланган мавсумда қайд этган статистик натижалари билан таништиришда давом этамиз.

Ўзингизга маълум, ортда қолган мавсумда “Навбаҳор” Coca Cola Суперлигасида 26 та ўйин ўтказиб, 15 та ғалаба, 8 та дуранг ва 3 та мағлубиятни қайд этган ҳолда, рақиблар дарвозасига 33 та гол уриб, ўз дарвозасидан 15 та тўп ўтказиб юбориб, якунда 53 очко тўплади ҳамда 2-ўринни эгаллаб, кумуш медални қўлга киритди.

Таъкидлаш жоизки, “Навбаҳор” Суперлиганинг барча жамоаларидан очко олишга муваффақ бўлди. Яна шуни ҳам қайд этиш лозимки, “Навбаҳор” ўтган мавсумда Coca Cola Суперлигасида ўз дарвозасидан энг кам тўп ўтказган ҳимояси энг мустаҳкам жамоа бўлди.

Хўш, Самвел Бабаян шогирдлари Наманган ва сафардаги учрашувларда қандай натижаларни қайд этишди?

Жамоа Coca Cola Суперлига - 2022да  ўз майдонида ўтказилган 13 та баҳснинг 7 тасида ғалаба қозониб, 5 та дуранг ва 1 та мағлубиятни қайд этиб, рақиблар дарвозасига 17 та гол урган ҳолда, ўз дарвозасидан 6 та тўп олиб чиқди ҳамда 26 очко тўплади.

Қизиғи, “лочинлар” сафардаги беллашувларда бироз яхшироқ натижага эришганлар.

“Навбаҳор” сафардаги 13 та учрашувнинг 8 тасида зафар қучиб, 3 та дуранг ҳамда 2 мағлубиятни қайд этган ҳолда, рақиблар дарвозасига 16 та гол урган ҳолда, ўз дарвозасидан 9 та тўп олиб чиқди ва 27 очко жамғарди.  

Мазкур ўйинларда қайд этилган натижалар якунда жамоамизга ўз тарихида илк марта вице-чемпионлик унвони ҳамда Осиё Чемпионлар Лигаси (ОЧЛ) йўлланмасини келтирди.

“Навбаҳор” ПФК матбуот хизмати.