«Барселона» ярим ҳимоячиси Серхио Бускетс энди Испания терма жамоасида ўйнамаслигини расман маълум қилди.
Эслатиб ўтамиз, 34 ёшли ярим ҳимоячи «қизил фурия» таркибида Евро-2012 ва ЖАР-2010да ғалаба қозонишга муваффақ бўлганди.
Янги бош мураббий Луис де ла Фуэнте Бускетсни Евро-2024га қадар таркибда сақлаб қолмасликка қарор қилган. Шу сабабли у терма жамоадаги фаолиятини якунлашга қарор қилди.
Журналист Фабрицио Романонинг фикрига кўра, испаниялик энди яқин вақт ичида ўз клуби билан келажагини ҳал қилиб олиши керак. Футболчи «Барселона» билан шартномасини яна бир йилга узайтириши мумкин, аммо шу билан бирга уни келаси ёздаёқ МЛСга ўтиш имконияти қизиқтирмоқда.
