Франция терма жамоаси ҳужумчиси Карим Бензема Аргентинага қарши ЖЧ-2022 финалида майдонга тушиши мумкинлиги ҳақидаги хабарларга изоҳ берди.
34 ёшли франциялик турнир бошланишидан олдин жароҳат олганди, бироқ терма жамоа мураббийлари уни қайдномада бошқа ўйинчига ўзгартиришмаган, шунинг учун назарий жиҳатдан у жароҳатдан фориғ бўлгани учун майдонга тушиши мумкин.
"Менга қизиқ эмас", - деб ёзди Бензема ижтимоий тармоқларда ўзининг ўйчан юзи суратига изоҳ билан.
Франция 2022 йилги жаҳон чемпионати финалида Аргентинага қарши майдонга тушади. Учрашув 18 декабрь, якшанба куни бўлиб ўтади. Бошланиши - Тошкент вақти билан 20.00.
