“РБ Лейпциг” ҳимоячиси Абду Диалло “ПСЖ” ва Франция терма жамоаси ҳужумчиси Килиан Мбаппе португалиялик Криштиану Роналду ва аргентиналик Лионель Месси ўртасидаги баҳсда кимни қўллаб-қувватлашини айтди.

Диаллонинг сўзларига кўра, Мбаппе Роналдунинг мухлиси, шунинг учун у португалиялик ҳужумчининг Мессидан устунлигини исботлаб, узоқ вақт баҳслашишга тайёр.

"Криштиану Роналду Килиан Мбаппе учун том маънода ҳамма нарсадир. Ундан ким яхшироқ, Роналду ёки Месси деб сўрасангиз, Мбаппе сиз билан камида бир соат баҳслашади. Унинг учун Роналдуга тенги бўлмайди", - дейди Диалло.