Туриннинг “Ювентус” клуби Франкфуртнинг “Айнтрахт” клуби марказий ҳимоячиси Эван Ндикага қизиқиш билдирмоқда, дея хабар беради Calciomercato.
Манбанинг хабарига кўра, итальян клуби футболчини қишки трансфер ойнасида сотиб олиш ёки 2023 йилнинг ёзида, эркин агентга айланганда шартнома имзолаш ҳақида ўйламоқда. Шунингдек, франциялик футболчи "Арсенал"нинг манфаатлари доирасига кирган.
23 ёшли Ндика жорий мавсумда “Айнтрахт” сафида барча турнирларда 23 та ўйинда майдонга тушди ва 1 та голли узатмани амалга оширди.
