Марокаш терма жамоаси бош мураббийи Валид Реграгий учинчи ўрин учун ўйинда мағлуб бўлиш ва умуман жаҳон чемпионатида ўйнаш ҳақида қандай фикрда эканлигини айтди.
“Бронза” учун курашда марокашликлар Хорватия термасига имкониятни бой беришди – 1:2.
“Кетма-кет иккинчи ўйинда мағлуб бўлиш жуда ачинарли, аммо футболчилар қўлларидан келганини қилишди. Жисмоний жиҳатдан жуда қийин эди. Ярим финалдан сўнг жамоанинг ўзини тиклашга деярли вақти йўқ эди. Мухлисларимиз учун ғалаба қозонишни хоҳлагандик, лекин ҳар ҳолда биз фахрланса бўладиган дунёнинг кучли тўртта жамоасига кирдик. Умид қиламанки, тўрт йилдан сўнг Марокаш терма жамоаси янада кучаяди”, — деди Реграгий ўйиндан кейинги интервюсида.
