Хорватия терма жамоаси дарвозабони Доминик Ливакович Қатардаги жаҳон чемпионатида энг кўп сейвни амалга оширди.
27 ёшли дарвозабон ҳисобида жорий чемпионатнинг етти учрашувида 25 та сейв қайд этилган. Шунингдек, Польша кипери Войцех Шесни ҳисобида 23 та, нидерландиялик дарвозабон Андрис Ноппертда 18 та сейв бор.
2022 йилги жаҳон чемпионати финалида Франция ва Аргентина терма жамоалари тўқнаш келишади ва бу жамоаларнинг дарвозабонлари – Уго Льорис ва Эмилиано Мартинес, катта эҳтимол билан, рейтингнинг юқори қисмидаги вазиятни ўзгартира олмайди, чунки уларда мос равишда 10 ва 5 тадан сейв бор.
