"Реал" ярим ҳимоячиси Марко Асенсио клуб билан янги шартнома имзоламоқчи, дея хабар беради Sport.
Манбанинг хабарига кўра, футболчи кўпроқ ўйин вақтини олишни истаса-да, мадридликлар билан шартномасини узайтиришга тайёр.
Томонлар оптимистик фикрда ва яқин орада учрашув ўтказишади, у ерда ҳамкорликни давом эттириш шартларини келишиб олишлари мумкин.
Футболчи аввалроқ "Реал"да ўзини бахтли ҳис қилишини айтганди.
Жорий мавсумда Асенсио "Реал" сафида 15 та ўйинда майдонга тушиб, 3 та гол урди ва 3 та голга ассистентлик қилди.
26 ёшли ярим ҳимоячининг Мадрид клуби билан шартномаси 2023 йилнинг ёзида якунига етади.
