Германиянинг собиқ ҳимоячиси Филипп Лам ФИФА раҳбари Жанни Инфантинони танқид қилди.
“ФИФАга бўлган ишонч унинг топ-менежменти туфайли пасайиб кетди. Борган сари Инфантино футбол манфаати йўлида энг яхши ечимларни қидирмаётгани, унга шунчаки ҳалоллик етишмаётгани кўринади.
У ҳеч қандай ўзгаришлар қилишни хоҳлаётгани ҳақида ҳеч қандай таассурот йўқ. У фақат футболдан фойда кўради. Бу эса футболнинг эмас, ФИФАнинг, ташкилотнинг муаммоси.
Вазиятни ўзгартиришнинг ягона йўли - жаҳон чемпионати мезбонларини танлашнинг шаффоф тартибини яратишга эътибор қаратишдир", деб ёзди Лам.
