Germaniyaning sobiq himoyachisi Filipp Lam FIFA rahbari Janni Infantinoni tanqid qildi.
“FIFAga bo‘lgan ishonch uning top-menejmenti tufayli pasayib ketdi. Borgan sari Infantino futbol manfaati yo‘lida eng yaxshi yechimlarni qidirmayotgani, unga shunchaki halollik yetishmayotgani ko‘rinadi.
U hech qanday o‘zgarishlar qilishni xohlayotgani haqida hech qanday taassurot yo‘q. U faqat futboldan foyda ko‘radi. Bu esa futbolning emas, FIFAning, tashkilotning muammosi.
Vaziyatni o‘zgartirishning yagona yo‘li - jahon chempionati mezbonlarini tanlashning shaffof tartibini yaratishga e’tibor qaratishdir", deb yozdi Lam.
