"Манчестер Юнайтед" ярим ҳимоячиси Алехандро Гарначо келаси ёзда АПЛнинг бошқа топ-клубига ўтиши мумкин. Журналист Саймон Филлипснинг ёзишича, Лондоннинг “Челси” жамоаси вакиллари футболчининг келажакдаги режаларини билиш учун унинг атрофидагилар билан боғланган.
"Челси" раҳбариятига аргентиналик футболчининг устувор вазифаси "Манчестер Юнайтед" билан шартномасини узайтириш эканлиги аниқ бўлди. Гарначонинг манкунианликлар билан амалдаги шартномаси мавсум охирида якунига етади. Агар Алехандро "қизил иблислар" билан ҳамкорликни давом эттира олмаса, у бошқа чемпионатга кетмоқчи.
Эслатиб ўтамиз, жорий мавсумда Гарначо Премьер-лигада битта гол урди.
