"Қизил иблислар"нинг диққати "Аякс" ҳужумчиси Муҳаммад Кудусга қаратилган. Ҳужумчи Қатардаги жаҳон чемпионатида ўзини яхши кўрсатди. Гана терма жамоаси плей-оффга чиқа олмаган бўлсада, Кудус турнирда иккита гол урди.
Метро хабарига кўра, футболчининг трансферига "Манчестер Юнайтед" бош мураббийи Эрик тен Хаг қизиқмоқда. У африкалик футболчининг жорий мавсумдаги ўйинидан мамнун.
22 ёшли ганаликнинг нархи 15 миллион еврони ташкил қилади. Кудус жорий мавсумда клуб даражасидаги барча мусобақаларда 10 та гол урди ва 2 та голли узатмани амалга оширди.