Аргентина ҳукумати 20 декабрни мамлакатнинг футбол бўйича 2022 йилги жаҳон чемпионатидаги ғалабаси шарафига миллий байрам куни деб эълон қилди.
Терма жамоа Буэнос-Айресга душанбадан сешанбага ўтар кечаси етиб бориши кутилмоқда. Тошкент вақти билан соат 08.00да Аргентина пойтахтида чемпионлик паради бошланади.
18 декабрь, якшанба куни Аргентина терма жамоаси ЖЧ-2022 финалида Францияни (3:3, пенальтилар сериясида – 4:2) мағлуб этди. Аргентиналиклар 36 йил ичида биринчи марта жаҳон чемпиони бўлишди. Бунгача жамоа 1978 ва 1986 йилларда жаҳон чемпиони бўлган.
