"Манчестер Юнайтед"нинг собиқ ярим ҳимоячиси Рой Кин ЖЧ-2022 финалида Аргентинанинг Франция устидан қозонилган ғалабасига (3:3, 4:2) муносабат билдирди.
Аввалроқ, собиқ ярим ҳимоячи Бразилия терма жамоасини жаҳон чемпионатининг 1/8 финалида Жанубий Кореяга қарши (4:1) рақсга тушгани учун танқид қилганди.
"Қаранг, қандай ажойиб манзара! Истаганча рақсга тушинг, бу ақл бовар қилмайдиган ғалаба. Улар кейинги ўн йилда ҳҳам нишонлашади. Йигитлар бунга лойиқ. Мана, қачонки ғалаба қозонсангиз, шунда рақсга тушишингиз керак", - дейди Кин ITV билан суҳбатда.
Аргентина терма жамоаси жаҳон чемпионати финалида олти марта майдонга тушди ва уч бор жаҳон чемпионати ғолибига айланди. Аввалроқ, аргентиналиклар 1978 ва 1986 йилларда ушбу турнирда ғолиб чиқишган.
