"Интер" спорт директори Пьеро Аузилио клуб ҳимоячи Робин Госенс билан январь ойида хайрлашиш ниятида эмаслигини айтди.
Жамоа раҳбари турли жароҳатлар туфайли мавсумнинг биринчи ярмини катта қисмини ўтказиб юборган ҳужумчи Ромелу Лукакунинг ҳолати ҳақида ҳам гапирди.
"Госенс сотилмайди. У январда жамоани тарк этмайди. Биз унга пул тикдик, шунинг учун Робин жамоада қолади. Ромелу Лукаку бор эътиборини 100 фоиз "Интер"га қаратган. Жаҳон чемпионати аллақачон ўтмишда қолди. У ўзини яхши ҳис қилмоқда ва мавсумнинг иккинчи ярмига тайёр", - деди Аузилио.
