Ҳужумчи Матеус Кунья "Атлетико"дан "Вулверхэмптон"га ўтади. Нуфузли инсайдер Фабрицио Романонинг ижтимоий тармоқларда хабар беришича, клублар трансфер бўйича оғзаки келишувга эришган.
"Вулверхэмптон" Куньяни 40-50 миллион еврога сотиб олиш мажбурияти билан ижарага олади. Яқин кунларда клублар барча ҳужжатларни расмийлаштиради, бундан ташқари футболчи тиббий кўрикдан ҳам ўтиши керак.
23 ёшли Матеус Кунья "Атлетико" сафида 54 та расмий ўйин ўтказган. Уларда бразилиялик 7 та гол урди ва шерикларига 8 та голли узатма берди.
“Вулверхэмптон” айни дамда АПЛ турнир жадвалида охирги ўринни эгаллаб турибди.
