"ПСЖ" президенти Носир Ал-Хелайфи ҳужумчи Лионель Мессини клуб билан шартномани узайтириш бўйича музокара ўтказиш учун шахсан таклиф қилди, дея хабар беради Goal портали.

Музокаралар яқин кунларда бўлиб ўтиши керак. "ПСЖ" 2022 йил охиригача Лионель Месси билан янги шартнома имзолаш масаласини ёпмоқчи.

35 ёшли футболчи француз клуби раҳбариятини ЖЧ-2022дан сўнг шартлар қониқтирса, шартномани узайтириш масаласини кўриб чиқишга тайёрлигини айтди.

Мессининг "ПСЖ" билан амалдаги шартномаси 2022/23 йилги мавсум охиригача амал қилади. Жорий мавсумда у жамоа сафида барча турнирларда 19 та ўйинда майдонга тушиб, 12 та гол урди ва 14 та голли узатмани амалга оширди.