"Барселона" ЖЧ-2022дан кейин Лионель Месси ҳақида ижтимоий тармоқларда "ПСЖ"га қараганда кўпроқ пост қолдирди.
"Барселона"нинг "Инстаграм"даги расмий аккаунтида Лионель Мессининг Аргентина терма жамоаси билан жаҳон чемпионатидаги ғалабасига бағишланган тўққизта пост чоп этилди. Яна саккизта пост клубнинг расмий "Твиттер" саҳифасида чоп этилди.
Аргентина терма жамоаси сардорининг амалдаги клуби "ПСЖ" "Инстаграм"да жаҳон чемпионатидаги ўйинлари ҳақида бешта пост жойлаштирган.
Аргентина ЖЧ-2022 финалида Францияни мағлуб этди. 7 та гол уриб, 3 та голли узатмани амалга оширган Лионель Месси турнирнинг энг яхши футболчиси деб топилди.
