"Барселона" бош мураббийи Хави Эрнандес Усмон Дембелени мақтади.

25 ёшли "кўк-анорранглилар" футболчиси жаҳон чемпионатининг финалини муваффақиятли ўтказа олмади: унинг айби билан аргентиналиклар пенальти тепишди. Дидье Дешам биринчи бўлимдаёқ Дембелени алмаштирди, аммо Хави Эрнандес "Барселона"нинг ҳужумкор етакчиларидан бирининг қобилиятига шубҳа қилмаяпти: "Менимча, Усмон Дембеле дунёнинг энг яхши вингери", - деди "Барселона" клуби матбуот хизматига берган интервьюсида.

Дембеле Қатардаги ЖЧнинг еттита учрашувида иккита голли узатмани амалга оширган. "Барселона" таркибида футболчи жорий мавсумда 20 та ўйин ўтказиб, 5 та гол ва 7 та голли узатма муаллифига айланди.