"Тоттенхэм" бош мураббийи Антонио Конте ҳужумчи Ришарлисон жароҳатининг оғирлигини аниқлаш учун қўшимча текширувдан ўтиши кераклигини айтди.
25 ёшли бразилиялик терма жамоаси сафида ЖЧ-2022 1/4 финалида Хорватияга қарши ўйинда (1:1, пенальтилар сериясида - 2:4) тиззасидан жароҳат олган эди.
“Ришарлисон МРТдан ўтмоқчи. Бир кун ичида биз унинг тикланиши учун қанча вақт кераклигини аниқ билиб оламиз", - дея Контенинг сўзларини келтиради клуб расмий сайти.
2022/23 йилги мавсумда Ришарлисон “шпорлар” сафида 15 та ўйинда майдонга тушиб, 2 та гол урди ва 3 та голли узатмани амалга оширди.
