"Арсенал" клуби ҳужумчи Габриэль Мартинелли билан янги шартнома борасида музокаралар олиб бормоқда, деб хабар беради Daily Mail.
Манбага кўра, 21 ёшли бразилиялик клубда энг кўп маош олувчи футболчилардан бирига айланиши мумкин. "Канонирлар" футболчининг маошини ҳафтасига 200 минг фунтга кўтаришга тайёр.
Аввалроқ ҳужумчига "Барселона" қизиқаётгани, бироқ унинг ўзи Лондонда қолишни афзал кўраётгани ҳақида хабарлар тарқалган эди.
Мартинелли 2019 йил июлидан буён “Арсенал” сафида тўп суради ва 2022/23 йилги мавсумда жамоа сафида 20 та ўйинда майдонга тушиб, 5 та гол ва 2 та голли узатмани амалга оширди. Ҳужумчининг амалдаги шартномаси 2024 йилнинг июнь ойи охиригача амал қилади.
