"Ливерпуль" ҳимоячиси Костас Цимикас ярим ҳимоячи Луис Диаснинг жароҳати ҳақида фикр билдирди. Эслатиб ўтамиз, колумбиялик вингер март ойида сафга қайтиши кутилмоқда.
“Луис жуда омадсиз, мен унинг учун хафаман. Яхшиямки, у ҳам жисмонан, ҳам руҳий жиҳатдан жуда кучли. Тезроқ тузалиб кетишини тилайман. Биз ҳаммамиз буни интиқлик билан кутамиз", - дея Цимикаснинг сўзларини келтиради Athletic.
Диас "Ливерпул"га бир йил олдин "Порту"дан 40 миллион евро эвазига ўтган эди. Ўшандан бери Луис қисқа вақт ичида Юрген Клоппнинг асосий жамоасига кириб олди ва иккита совринни қўлга киритди.
