Россиянинг "Зенит" клуби Португалиянинг "Порту" клуби ҳужумчиси Халк учун 50 миллион евролик трансфер нархини таклиф қилди. Бу ҳақда A Bola нашри хабар тарқатмоқда.
Манбада маълум қилинишича, 2001-2010 йилларда айнан "Порту" сафида тўп сурган "Зенит" футболчиси Бруну Алвеш ушбу трансферга бош-қош бўлмоқда экан.
Август бошида Халкнинг агенти футболчи "Зенит" билан музокаралар олиб бораётгани борасида хабарларни инкор этиб, мижозининг фикри хаёли Лондондаги олимпиада ўйинларига қаратилганини таъкидлаб ўтганди.