Журналист Бен Жейкобс "ПСЖ" ҳужумчиси Килиан Мбаппе жамоани тарк этмоқчилиги ҳақидаги сўнгги миш-мишлар ҳақида маълумот берди.
Манбага кўра, клуб 24 ёшли франциялик футболчини қўйиб юбориш ниятида эмас. Қишки трансферлар бундан мустасно, ёзда эса парижликлар таклифларни ўз талабларига жавоб берсагина кўриб чиқишлари мумкин.
Дастлабки маълумотларга кўра, "ПСЖ" Мбаппени 300 миллион евродан кўпроқ баҳолаган.
Килианнинг амалдаги шартномаси 2025 йилгача мўлжалланган. Жорий мавсумда ҳужумчи 32 ўйинда 29 та гол урди ва 7 та голли узатмани амалга оширди.
