"Манчестер Юнайтед"нинг собиқ ҳимоячиси Пол Паркер португалиялик юлдуз ҳужумчи Криштиану Роналду ҳақида қаттиқ гапирди.
Паркернинг айтишича, 37 ёшли португалиялик ҳеч қачон тарихдаги энг яхши футболчилар ҳақидаги баҳсларда бўлмаслиги керак. Собиқ футболчи Роналду сунъий равишда яхши футболчига айлантирилганини таъкидлади.
"Криштиану Марадона, Роналдо, Роналдиньо ва Мессининг яқинига ҳам кела олмайди", - дея қўшимча қилди Паркер.
Эслатиб ўтамиз, айни дамда португалиялик тажрибали ҳужумчи эркин агент мақомида жамоасиз қолмоқда. Роналдунинг сўнгги клуби "Манчестер Юнайтед" бўлган.
