Нидерландиялик мураббий Эрик тен Хаг қўл остида "Манчестер Юнайтед" барча мусобақалардаги сўнгги 7та ўйиндан 6тасида ғалаба қозонди.
27 октябрдан буён “қизил иблислар” барча турнирларда етти учрашувда 6 ғалабага эришди. Сўнгги ғалаба Лига кубогида қўлга киритилди, унда "Бёрнли" 2:0 ҳисобида мағлуб бўлди. Қайд этиш жоиз, Манчестер клуби ушбу сегментдаги ягона мағлубиятни Премьер-лигада “Астон Вилла"дан қабул қилиб олди.
"Манчестер Юнайтед"нинг навбатдаги ўйини "Ноттингем Форест"га қарши бўлади. Учрашув 27 декабрь куни бўлиб ўтади.