"Манчестер Юнайтед" бош мураббийи Эрик тен Хааг Премьер-лиганинг қайта тикланиши арафасида кадрлар муаммосига дуч келмоқда.
Гап шундаки, бугунги кунда "Манчестер Юнайтед" устози ихтиёрида фақатгина битта марказий ҳимоячи қолган - Виктор Линделёф. Гарри Магуайр аллақачон Манчестерга қайтган, аммо касал бўлиб қолган. Лисандро Мартинес ва Рафаэль Варан жаҳон чемпионатидан сўнг таътилда бўлганликлари учун таркибда йўқ.
Эслатиб ўтамиз, 28 декабрь куни “Манчестер Юнайтед” “Ноттингем Форест” билан ўйин ўтказиши керак. Учрашув "Олд Траффорд"да бўлиб ўтади ва Тошкент вақти билан соат 01:00да бошланади.
