"Аталанта" кўплаб топ-клублар қизиқаётган иқтидорли ҳимоячиси Жоржио Скальвинига нарх белгилади.
La Gazzetta dello Sport нашри хабарига кўра, Жан Пьеро Гасперини жамоаси 19 ёшли футболчини 50-60 миллион евро эвазига қўйиб юборишга рози.
Мавсум бошида Скальвини "Манчестер Сити"нинг радарига тушиб қолгани ҳақида миш-мишлар тарқалган эди. Энди энг катта қизиқиш Миланнинг "Интер" клубига тегишли, улар келаси ёзда Милан Шкриньярнинг ўрнига Жоржиони сотиб олиш имкониятини кўриб чиқмоқда.
Скальвини ўзининг иккинчи тўлиқ мавсумини А Серияда ўтказмоқда. Жорий мавсумда унинг ҳисобида битта гол бор.
