"Наполи" грузиялик ҳужумчи Хвича Кварацхелия билан шартномани 2028 йилга қадар узайтирмоқчи, деб хабар беради La Gazzetta dello Sport.
Манбанинг хабарига кўра, Италия клуби ўз футболчисининг маошини икки баробарга ошириш ниятида. Аввалроқ Хвичанинг агенти янги келишув тафсилотларини муҳокама қилиш учун январ ойида Неаполга ташриф буюриши хабар қилинганди.
Эслатиб ўтамиз, Кварацхелиянинг "Наполи" билан амалдаги шартномаси 2027 йилнинг ёзига қадар тузилган. Тransfermarkt портали Грузия терма жамоаси футболчисини 60 миллион еврога баҳоламоқда.
Ушбу мавсумда вингер 17 та ўйинда майдонга тушиб, 8 та гол урди ва 10 та голли узатмани амалга оширди.
