Россия терма жамоаси ва «Спартак» клуби собиқ бош мураббийи Олег Романцев аргентиналик футбол юлдузлари — Диего Марадона ва Лионель Мессини ўзаро таққослади.

— Жаҳон чемпионатидаги ғолибликдан сўнг Мессини Марадона билан таққослаш мумкинми?
— Месси буюк футболчилар сафига кирди ҳамда Пеле ва Марадона билан бир қатордан ўрин олди. Шубҳасиз, у Аргентина терма жамоаси етакчиси. Аммо Лео бунгача ҳам бир нечта ЖЧда иштирок этганди, у фақат Қатардаги мусобақада жаҳон чемпиони бўлди. Шундай экан, мазкур чемпионликда фақатгина Мессининг хизматини эътироф этиш тўғри бўлмайди.

Марадона эса кучли характерга эга бўлган футболчи эди. 80-йилларда биз Аргентинага қарши ўйнаганимизда, Диего атиги 20 ёшда эди. У эндигиа ёшлар ўртасидаги ЖЧда ғолиб чиққанди. Ўшандаёқ унинг ўйини ва етакчилик хусусияти кучли эди. Бу хусусиятни у футболдаги фаолиятининг сўнгги палласигача сақлаб қолди. Бу борада Месси Марадонадан орқада. Бошқа жиҳатдан эса ҳар иккиси — буюк ўйинчилар. Ҳозирги Лео Марадонага ёққан бўларди!