"Манчестер Юнайтед" дарвозабони Давид де Хеа камтарона молиявий шартлар асосида инглиз клубида қолишга рози бўлди, дея хабар бермоқда The Athletic нашри.
Эслатиб ўтамиз, 32 ёшли Де Хеанинг "қизил иблислар" билан амалдаги шартномаси келаси йилнинг ёзига қадар мўлжалланган. Футболчи 2011 йилдан буён "Манчестер Юнайтед" сафини ҳимоя қилиб келмоқда.
The Athletic нашри хабарига кўра, айни дамда инглиз клуби раҳбарияти жамоа бош мураббийи Эрик тен Хаг фалсафасига мос келадиган дарвозабон қидиришни давом эттирмоқда. Қайд этилишича, бу ўрин учун асосий даъвогарлар “Порту”да ўйнаётган португалиялик Диого Кошта, шунингдек, “Атлетико”нинг испаниялик дарвозабони Унаи Симондир.
Де Хеа жорий мавсумда “Манчестер Юнайтед” сафида 20 та ўйинда майдонга тушиб, 23 та гол ўтказиб юборди ва 9 марта ўз дарвозаси даҳлсизлигини сақлаб қолди.
