"Manchester Yunayted" darvozaboni David de Xea kamtarona moliyaviy shartlar asosida ingliz klubida qolishga rozi bo‘ldi, deya xabar bermoqda The Athletic nashri.
Eslatib o‘tamiz, 32 yoshli De Xeaning "qizil iblislar" bilan amaldagi shartnomasi kelasi yilning yoziga qadar mo‘ljallangan. Futbolchi 2011 yildan buyon "Manchester Yunayted" safini himoya qilib kelmoqda.
The Athletic nashri xabariga ko‘ra, ayni damda ingliz klubi rahbariyati jamoa bosh murabbiyi Erik ten Xag falsafasiga mos keladigan darvozabon qidirishni davom ettirmoqda. Qayd etilishicha, bu o‘rin uchun asosiy da’vogarlar “Portu”da o‘ynayotgan portugaliyalik Diogo Koshta, shuningdek, “Atletiko”ning ispaniyalik darvozaboni Unai Simondir.
De Xea joriy mavsumda “Manchester Yunayted” safida 20 ta o‘yinda maydonga tushib, 23 ta gol o‘tkazib yubordi va 9 marta o‘z darvozasi dahlsizligini saqlab qoldi.
