Аргентиналик ҳужумчи Мауро Икарди рафиқаси ва агенти Ванда Нара билан ажрашишга яқин турибди.
Ole нашрининг хабарига кўра, ажрашиш жараёни натижаларига кўра, Нара футболчидан 90 миллион евро, шунингдек, кўчмас мулк ва турли ҳашаматли буюмлар олади.
Бундан ташқари, Нара қўшма активларнинг ярмини, шунингдек, Мауро фаолиятини якунлангунга қадар оладиган маошини ҳам олмоқчи.
29 ёшли футболчининг ҳуқуқлари Франциянинг "ПСЖ" клубига тегишли. Унинг Парижнинг клуби билан шартномаси 2024 йилнинг ўрталарига қадар тузилган.
Жорий мавсумда Икарди Истанбулнинг “Галатасарой” жамоасида ижара асосида ўйнамоқда.
