Қатар мундиалининг финали бош ҳаками Шимон Марчиняк турнирнинг ҳал қилувчи баҳсидаги фаолиятига муносабати ҳақида гапирди.
“Шунчаки жанжал излаётган одамлар бор. Дўстларим, ҳатто француз ҳакамлари ҳам иш аъло даражада бўлганини айтиб хабар юборишди. Кўплаб мутахассислар ва футболчилар менга табрик йўллашди", - деб Record нашри полшалик ҳакамнинг сўзларини келтиради.
Эслатиб ўтамиз, ЖЧ-2022да Марчиняк учта ўйинда, жумладан Аргентина ва Франция ўртасидаги финалда ҳакамлик қилганди. Ўйин давомида ҳакам учта пеналти белгилади, уларни Лионел Месси ва Килиан Мбаппе голга айлантирди (икки марта).
