Qatar mundialining finali bosh hakami Shimon Marchinyak turnirning hal qiluvchi bahsidagi faoliyatiga munosabati haqida gapirdi.

“Shunchaki janjal izlayotgan odamlar bor. Do‘stlarim, hatto fransuz hakamlari ham ish a’lo darajada bo‘lganini aytib xabar yuborishdi. Ko‘plab mutaxassislar va futbolchilar menga tabrik yo‘llashdi", - deb Record nashri polshalik hakamning so‘zlarini keltiradi.

Eslatib o‘tamiz, JCH-2022da Marchinyak uchta o‘yinda, jumladan Argentina va Fransiya o‘rtasidagi finalda hakamlik qilgandi. O‘yin davomida hakam uchta penalti belgiladi, ularni Lionel Messi va Kilian Mbappe golga aylantirdi (ikki marta).