Туриннинг “Ювентус” клуби америкалик ярим ҳимоячи Уэстон Маккенни сотиши мумкин, дея хабар беради Football Italia.
Манбага кўра, итальян клуби футболчи учун 25-30 миллион евро олмоқчи. Ярим ҳимоячи қишки трансфер ойнасида клубини ўзгартириши мумкин.
24 ёшли Маккенни жорий мавсумда “Ювентус” ва АҚШ терма жамоаси сафида барча мусобақаларда 22 та ўйинда майдонга тушиб, 3 та гол урди ва битта голли узатмани амалга оширди. Унинг клуб билан шартномаси 2025 йилнинг ёзига қадар мўлжалланган.