"Милан" жазоирлик ярим ҳимоячи Исмоил Беннасер билан шартномани узайтиришга яқин турибди, деб хабар беради Correira Dello Sport.
Миланликлар футболчига йилига 4 миллион евро ва бонуслар таклиф қилмоқда, музокаралар давом этмоқда.
Беннасерга Англия Премер-лигасининг учта клуби ҳам қизиқиш билдирмоқда: "Челси", "Ливерпуль" ва "Арсенал".
Футболчи аллақачон Премьер-лигада ўйнаган: у "Арсенал"да 18 ой ўйнади, лекин асосий жамоада фақат битта ўйинда қатнашди, шундан сўнг 2017 йилда "Эмполи"га ўтди. Ярим ҳимоячи 2019 йилда "Милан"га ўтиб, беш йиллик шартнома имзолаган.
Беннасер жорий мавсум А Серияда “Милан” сафида 15 та ўйинда майдонга тушиб, 1 та гол ва 1 та голли узатмани амалга оширди.