Бразилиялик ҳимоячи Тьяго Сильва Қатардаги мундиалда иштирок этди ва бу унинг сўнгги жаҳон чемпионати эди. Бразилияликлар хорватларга пенальтилар сериясида мағлуб бўлганидан мусобақани тарк этишди. Сильва мағлубиятдан икки ҳафта ўтганига қарамай, ҳануз умидсизликдан чиқа олмаяпти.

"Ҳалигача юрагим қон. Ушбу жаҳон чемпионати ҳақида, қилган ишларимиз ҳақида нимадир ёзмоқчи бўлиб бир неча марта уринганимга ишонмайсиз. Бундай мағлубиятдан кейин ҳаёт қандай қийин кечишини тасаввур ҳам қилолмайсиз. Мухлислардан терма жамоани қўллаб-қувватлашда давом этишларини сўрайман" - деди Сильва ITASportPress билан суҳбатда.