"Ньюкасл" ярим ҳимоячи Бруну Гимарайнсга янги шартнома таклиф қилишга тайёр.
Football Insider хабарига кўра, клуб 25 ёшли футболчига ҳафтасига 200 000 фунт (228 000 евро) маош оладиган шартнома таклиф қилишни режалаштирмоқда.
Бразилиялик футболчининг амалдаги шартномаси 2026 йилда тугайди, бироқ у янги шартнома имзоласа, у клубда узоқ вақт қолиб, энг кўп маош олувчи футболчига айланади.
Аввалроқ ярим ҳимоячига "Реал", "Челси" ва "Ливерпуль" клублари қизиқиш билдираётгани ҳақида хабарлар тарқалган эди.
Гимарайнс жорий мавсумда "Ньюкасл" таркибида барча турнирларда 15 та ўйинда майдонга тушиб, 3 та гол урди ва 2 та голли узатмани амалга оширди. Transfermarkt портали футболчининг нархини 60 миллион еврога баҳоламоқда.
