Ҳозирда "Торино"да ижарада ўйнаган хорватиялик ярим ҳимоячи Никола Влашич Лондоннинг "Вест Хэм" клубига қайтишни истамаяпти. Бу ҳақда Тuttusport хабар бермоқда.
Манбанинг хабарига кўра, 25 ёшли ярим ҳимоячи туринликлар жамоаси унинг шартномасини "болғачилар"дан сотиб олишини кутмоқда. Олдинроқ италияликлар Влашич учун 15 миллион евро тўлашга тайёр экани хабар қилинганди.
"Торино" ёзги трансферлар вақтида Николани ижарага олди. Жорий мавсумда хорватиялик футболчи "буқалар" сафида 16 та ўйинда майдонга тушиб, 4 та гол ва 3 та голли узатмага муаллифлик қилган.
15-турдан кейин “Торино” А серияда 9-ўринда бормоқда.
