Нидерландиялик ҳужумчи Мемфис Депай "Ньюкасл"га ўтмайди. Инсайдер Фабрицио Романонинг ёзишича, инглиз клуби раҳбарияти "Барселона" билан футболчининг трансфери борасида музокаралар олиб бормаяпти.
Журналистнинг қайд этишича, Депайнинг келажаги январ ойида аниқланади. 28 ёшли ҳужумчи фаолиятини қаерда давом эттириши ҳозирча маълум эмас.
Мемфиснинг клуб билан амалдаги шартномаси 2023 йилнинг ёзига қадар тузилган. Унинг трансфер нархи 20 миллион еврога баҳоланмоқда.
Жорий мавсумда Депай Испания чемпионатининг атиги иккита учрашувида қатнашиб, битта гол урди.
